आज हुनगइरहेको स्थानीय तह निर्वाचनका लागि तनहुँमा २९७ मतदान केन्द्र रहेका छन् । निर्वाचनलाई प्रभावकारी बनाउन दुई हजार ५ सय बढी सुरक्षकर्मी खटाइएको छ । मतदान केन्द्रमा निर्वाचन अधिकृत, सहायक निर्वाचन अधिकृत, कर्मचारी, सुरक्षाकर्मी सहितको टोली मतदान केन्द्रमा पुगेर मतदातालाई परिचयपत्र बितरणगर्ने, मतदाता लाइनमा राख्ने, भोट हाल्ने लगायका कार्य गरेको जिल्ला निर्वाचन कार्यालय तनहुँले जनाएको छ । निर्वाचनको लागि नेपाली सेना, शसश्त्र प्रहरी, प्रहरी र म्यादी प्रहरी गरी २ हजार ५ सय ८४ जना सुरक्षाकर्मी खटाइएको प्रमुख जिल्ला अधिकारी बिश्वप्रकाश अर्यालले जानकारी दिए । उनका अनुसार व्यास नगरपालिकामा १ सय १६ जना , भिमाद नगरपालिकामा ६४ जना , शुक्लागण्डकी नगरपालिकामा ९५ जना, भानु नगरपालिकामा १ सय जना, देबघाट गाउँपालीकामा ३४ जना , आँबु–खैरेनी गाउँपालिकामा ३६ जना, ऋषिङ गाउँपालिकामा ५६ जना , घिरिङ गाउँपालिकामा ३६ जना, म्याग्दे गाउँपालीकामा ४१ जना र बन्दिपुर गाउँपालीकामा ४२ जना प्रहरी गरी कुल ६ सय २० जना प्रहरी खटिएको बताएका छन् ।
उनले जिल्लामा थप सुरक्षाको लागि ३ सय ५१ जना शसश्त्र प्रहरी, ४ सय २५ जना नेपाली सेना, र १ हजार १ सय ८८ जना म्यादी प्रहरी गरी कुल २ हजार ५ सय ८४ जना भन्दा बढि सुरक्षाकर्मी फिल्डमा खटिएको अर्यालले जानकारी दिए ।
त्यसैगरी, निर्वाचन स्वच्छ,भयरहित र सान्ता बातबरण बनाइ तनहुँमा सुरक्षा व्यवस्थालाई प्रभावकारी बनाउन र शुरक्षीत बाताबरणमा र्निबाचन सम्मपन्न गर्न ३ सय ५१ शसश्त्र प्रहरी खटाइएको शसस्त्र प्रहरी उपरीक्षक सुर्यप्रसाद आचार्यले जानकारी दिए । सुरक्षलाई थप बलियो वनाउन पोखराबाट ३० जा शसश्त्र प्रहरी थपी माग गरिएको उनले बताए । त्यसैगरी, नेपाली सेनाको दश वटा बेसक्याम्प खडा गरी ४ सय २५ नेपाली सेना सुरक्षार्थ खटाइएको कालिभन्जन गणका प्रमुख गणपति रामज्योति बोहोराले जानकारी दिए । उनले बेसक्याम्पबाट नजिक रहेका मतदान केन्द्रमा बढीमा तीस मिनेटमा नेपाली सेना घट्नास्थलमा पुग्ने गरी नेपाली सेना खटाइएकोे बताए । जिल्लाको कुनै पनि स्थानमा घटना घटेमा आवश्यक अनुसार थप प्रहरी पठाउन सक्ने गरी प्रहरी तयारी अबस्थामा राखिएको जिल्ला प्रहरी कार्यलय तनहुँका प्रहरी उपरीक्षक राजेन्द्रबाबु रेगमीले बताए ।
तनहुँका कुन पालिकामा कति केन्द्र?
जिल्लामा २९७ वटा मतदान केन्द्र रहेको निवर्नचन आयोग तनहुँले जनाएको छ । व्यास नगरपालिकामा ५६ वटा , भिमाद नगरपालिकामा ३१ वटा , शुक्लागण्डकी नगरपालिकामा ४६ वटा, भानु नगरपालिकामा ४९ वटा, देबघाट गाउँपालीकामा १५ वटा , आँबुखैरेनी गाउँपालीकामा १७ वटा, ऋषिङ गाउँपालिकामा २५ वटा , घिरिङ गाउँपालिकामा १७ वटा, म्याग्दे गाउँपालिकामा २० वटा र बन्दिपुर गाउँपालिकामा २१ वटा गरी जम्मा २९७ वटा मतदान केन्द्र रहेको मुख्य निर्वाचन अधिकृतको कार्यलय तनहुँका सुचना अधिकारी कृष्ण प्रसाद गौतमले जानकारी दिए । तनहुँमा कूल चार सय पैतालिस उम्मेद्वारका लागि एक हजार ६ सय सैतिस जना उम्मेद्वार चुनावी प्रतिस्पर्धामा रहेका छन् ।
जिल्लाको दश वटा पालिकाका प्रमुख,उपप्रमुख,अध्यक्ष,उपाध्यक्ष र पचासी वडाका वडाध्यक्ष र सदस्य गरी उक्त संख्यामा उम्मेद्वारहरुको प्रतिस्पर्धा हुन लागेको हो । प्रमुख,उपप्रमुख,अध्यक्ष र उपाध्यक्ष गरी बीस जना र पचासी वडाका पाँच जनाका दरले चार सय पच्चीस पदका लागि उम्मेद्वार निर्वाचित हुने जिल्ला निर्वाचन कार्यालय तनहुँका प्रमुख हरिप्रसाद ढकालले जानकारी दिए ।
