दमौली,२५ बैशाख । तनहुँको दमौलीमा नेपाली कांग्रेस चुनावी सभा सम्पन्न भएको छ । चुनावी सभालाई नेपाली कांग्रेसका सभापति एवं प्रधानमन्त्री शेरबहादुर देउवा, वरिष्ठ नेता रामचन्द्र पौडेल, कांग्रेसका प्रवक्ता डा.प्रकाशशरण महत, केन्द्रीय सदस्यहरु शंकर भण्डारी, गोविन्द भट्राई, प्रदीप पौडेल, धु्रव वाग्ले, अब्दुल सत्तार, निवर्तमान सभापति एवं नेपाली कांग्रेसको तर्फबाट व्यास नगरका उम्मेदवार बैकुण्ठ न्यौपाने, तनहुँ कांग्रेसका उपसभापति देवकुमार श्रेष्ठ, नेपाली कांग्रेस तनहुँका सचिव लक्ष्मीभक्त खनाल, महासमिति सदस्यहरु डोवाटे वि.क, सरिता गुरुङ, राष्ट्रिय सभा सदस्य प्रकाश पन्थ, नेविसंघका अध्यक्ष दुजुङ शेर्पा, व्यास नगर सभापति सूर्यचन्द्र हडखले लगायतले बोलेका थिए । चुनावी सभा नेपाली कांग्रेस तनहुँका सभापति जितप्रकाश आलेको सभापतित्वमा सम्पन्न भएको थियो ।
यसअघि नेपाली कांग्रेस चुनावी प्रचार प्रसार कार्यालयबाट कांग्रेसको रयाली निस्किएको थियो । रयाली बजारका विभिन्न भाग परिक्रममा गरी सभामा परिणत भएको थियो । रयालीका सहभागीहरुले कांग्रेसको पक्षमा नाराबाजी गर्नुका साथै भोट मागेका थिए ।यसैबीच चुनावी सभामा चर्चित कलाकार प्रिति आलेले गीत मार्फत कांग्रेसको पक्षमा भोट मागेकी थिइन् । सभामा अन्य स्थानीय कलाकारहरुले कांग्रेसको पक्षमा भोट मागेका थिए । शनिबार दमौलीमा सम्पन्न सभामा व्यास नगरपालिकाका मतदाताहरुको उल्लेख्य सहभागिता रहेको थियो । शनिबारको उपस्थितिले कांग्रेसी नेता तथा कार्यकताहरुलाई आफ्नो स्थिति मजबुत रहेको अनुभूति गरेका छन् ।