एलायन्स क्लव अफ तनहुँद्धारा असहाय परिवारलाई खाद्यान्न सहयोग

एलायन्स क्लव अफ तनहुँले व्यास नगरपालिका–५ चिन्तुटारका एक असहाय परिवारलाई खाद्यान्न सहयोग गरेको छ । सोमबार गणतन्त्र दिवसको अवसर पारेर क्लवले विक्रम दरैको परिवारलाई खाद्यान्न सहयोग गरेको हो । क्लवको सामाजिक उत्तरदायित्व वहन अन्तर्गत उक्त सहयोग गरिएको क्लवका अध्यक्ष अजित पन्तले बताउनुभयो । उहाँका अनुसार ती परिवारलाई चामल, तेल, नून, मसाला लगायतका सामग्री वितरण गरिएको छ । क्लवले विगतका दिनमा पनि सामाजिक कामलाई निरन्तरता दिँदै आएको छ । असहाय तथा विपन्न परिवारलाई छाक टार्न समस्या भएको खण्डमा क्लवलाई सम्पर्क गर्न अध्यक्ष पन्तले जनाकारी दिनुभयो ।