लियो क्लब अफ तनहुँको आयोजनामा सेवा र मान्यता आपतकालीन रक्तदाता समन्वय कार्यक्रम शनिबार सम्पन्न भएको छ। कार्यक्रमको अध्यक्षता लियो कल्ब अफ तनहुँका अध्यक्ष लियो बसन्ती थापाले गर्नु भएको थियो । कार्यक्रमकाे प्रमुख अतिथि व्यास नगरपालिका प्रमुख बैकुण्ठनाथ न्याैपाने रहनुभएकाे थियाे। उक्त कार्यक्रममा ८ जना आकस्मिक रक्तदाताहरुलाई लियो क्लब अफ तनहुँले सम्मान गरेको थियो । साथै लियो क्लब अफ तनहुँ र नेपाल रेडक्रस सोसाइटी बिच विभिन्न सामाजिक हित तथा रक्तसञ्चार सम्बन्धि विभिन्न बुदाहरुको सम्झौता ज्ञापन पत्रमा समेत द्विपक्षीय हस्ताक्षर गर्ने कार्य सम्पन्न गरिएकाे क्लबका सचिब लियो मुकेश बिडारी बताउनु भयाे।
उक्त कार्यक्रममा लायन्स अन्तर्राष्ट्रिय ३२५ एल नेपालका रिजन कोर्डिनेटर लायन कृष्णहरि गैर्हे, लायन्स क्लब अफ तनहुँका प्रथम उपाध्यक्ष लायन ईश्वर बहादुर बिष्ट, नेपाल रेडक्रस सोसाइटी तनहुँ जिल्ला शाखाका मन्त्री सुर्यचन्द्र हड्खले, लियो जिल्ला परिषद ३२५ एल नेपालका अध्यक्ष लियो सन्तोष ढकाल, जिल्ला परिषद ३२५ एल नेपालका निवर्तमान अध्यक्ष लियो योगेश गौतम,न क्षेत्रीय सम्योजक लियो महम्मद गफ्फार, ट्रेनिङपुल सचिब लियो पुर्णिामा क्षेत्री, लियो क्लब अफ तनहुँका पुर्व अध्यक्षहरु, लियो क्लब अफ तनहुँ सत्यबती का अध्यक्ष लगायत पदाधिकारीहरु, लियो क्लब अफ तनहुँ निर्मल अल्फा का अध्यक्ष लगायत पदाधिकारीहरुको उपस्तिथि रहेको थियो ।
