छोरीलाई विद्यालय पठाउने घरलाई निशुल्क सुन्तलाको विरुवा वितरण गर्ने

तनहुँको देवघाट गाउँपालिकाले छोरी पढाउ, सुन्तला लगाउ कार्यक्रम सन्चालन गर्ने भएको छ । गाउँपालिकाबासीलाई सुन्तला उत्पादनमा आवद्ध गराउने उद्देश्यले यस्तो कार्यक्रम ल्याईएको गाउँपालिका अध्यक्ष तिलबहादुर थापाले जनाकारी दिनुभयो । साथै सहुलियतका कार्यक्रम देखि छोरीलाई विद्यालय पठाउने घरलाई निशुल्क सुन्तलाको विरुवा वितरण गर्ने कार्यक्रम ल्याएको कृषि शाखाका प्रमुख बलबहादुर सिकर्मीले बताउनुभयो । देवघाटको वडा नम्बर, १, २, ३ र ४ मा सुन्तलाको नसर्री समेत गर्ने भएको सिकर्मीले जनाकारी दिनुभयो । उक्त क्षेत्रमा सुन्तलाको राम्रो उत्पादन पनि हुँदै आएको छ ।