बन्दिपुर केबलकार एण्ड टुरिजम लिमिटेडले आफ्नो केवलकार सेवालाई अझ सुरक्षित र विश्वस्तरीय बनाउनका लागि अन्तराष्ट्रिय स्तरको आकस्मिक उद्धार तथा निकास सम्बन्धी तालिम सञ्चालन गर्ने भएको छ ।
उक्त तालिमको लागि जिल्ला प्रशासन कार्यालयबाट स्वीकृत लिई अन्तराष्ट्रिय उद्धार विशेषज्ञहरुद्धारा तालिम प्रदान गरिने तथा स्थानीय प्रहरी कार्यालय तथा संस्थाहरु संग समेत समन्यन गरिएको कम्पनीका प्रमुख कार्यकारी रोमन मान श्रेष्ठले बताउनुभयो ।
यस तालिम आगामी २०८२ भदौ १६, १७ र १८ गते (सेप्टेम्बर १ – सेप्टेम्बर ३, २०२५) बन्दिपुर केबलकार परिसरमा हुने जनाएको छ । यस कार्यक्रममा केबलकार सेवामा आवद्ध केबलकारका सम्पूर्ण कर्मचारीहरूलाई सहभागी गराई तालिम दिने कम्पनीका साईट ईनचार्ज ई.प्रताप उपाध्यायले जानकारी गराउनुभयो । यस कार्यक्रम अन्तर्गत ३०० मिटर भन्दा बढीको रोप सम्बन्धि रेस्क्यू तालिम समेत गराइने उपाध्यायले बताउनु भयो । ३ (तीन) दिन सम्म सञ्चालन हुने तालिमका क्रममा केबलकार सेवा अस्थायी रूपमा बन्द रहनेछ । कम्पनीले यस अवधिमा यात्रुहरूलाई पर्ने असुविधाप्रति क्षमायाचना गर्दै यात्रु सुरक्षालाई प्राथमिकता दिने आफ्नो प्रतिबद्धता प्रकट गरेको छ ।
कम्पनीका प्रमुख कार्यकारी अधिकृत रोमनमान श्रेष्ठ ले यो तालिमले बन्दिपुर केबलकारलाई विश्वस्तरीय सुरक्षा मापदण्डहरू मेल खाने र कर्मचारीहरुलाई व्यवसायीक रुपमा दक्ष हुने संगै नेपालको पर्यटन उद्योगलाई अन्तर्राष्ट्रिय स्तरमा प्रवद्र्धन गर्ने महत्वपूर्ण कदम हुने बताएका छन् ।