जेसिआई व्यास नगरकाे अतिथ्यमा नेपाल जेसिज क्षेत्र ‘ख’ सम्मेलन भव्य रुपमा आजबाट दमाैलीमा सुरु भएको छ । सम्मेलनमा गण्डकी प्रदेशका मुख्यमन्त्री सुरेन्द्रराज पाण्डेले उद्घाटन गर्नुभएको छ । सो अवसरमा बोल्दै पाण्डेले जेसिआईमा केही गरू भन्ने सोच भएका युवाहरू सहभागी रहेको बताउनुभयो । उहाँले यो सम्मेलनमा युवाहरूको सहभागी हुदा खुसी व्यक्त गर्दै अहिले युवाहरू देशमा नबस्ने परिस्थिति सृजना भएकाले राज्यले यश तर्फ ध्यान दिनुपर्नेमा जोड दिनुभयो ।
कार्यक्रमको सभापति नेपाल जेसिआई २०२५ का कार्यवहाक अध्यक्ष एलिना महर्जनकाे सभापतित्वमा भएकाे थियाे।साे अवसरमा बाेल्दै उहाँले जेसिआईमा लागेपछि समाजमा उत्कृष्ट र सकारात्मक युवाको रूपमा स्थापित हुनुपर्ने सोच आएको बताउनुभयो ।
कार्यक्रममा व्यास नगरपालिका प्रमुख बैकुण्ठ न्यौपाने,गण्डकी प्रदेश सदस्य अशोक कुमार श्रेष्ठ ,विभिन्न पाटीका प्रमुख एंवम प्रतिनिधि लगाएतले शुभकामना मन्तव्य दिनुभएको थियोे ।
सम्मेलनमा सम्मेलनमा क्षेत्र ‘ख’ अन्तर्गतका ४२ शाखाका प्रतिनिधि, नेपाल जेसिजका पूर्व र वर्तमान पदाधिकारी, क्षेत्र ‘क’, ‘ग’ र ‘घ’ का शाखा प्रतिनिधि, जुनियर जेसिजका प्रतिनिधि तथा देशभरका शाखा प्रतिनिधि र पर्यवेक्षक गरी करिब ८ सय जना सहभागी रहेको सम्मेलनका निर्देशक सुरेश पुरीले जनाकारी दिनुभयो ।
सम्मेलनमा नेतृत्व र व्यक्तित्व विकास सम्बन्धी तालिम, विभिन्न विषयमा छलफल तथा बहस आयोजना गरिने सम्मेलनका प्रवक्ता कृष्ण सुनारले जनाकारी दिनुभयो ।
आईतवार बिहान विविध जातीय, धार्मिक, भेषभूषा, संस्कृति र संस्कार झल्किने झाँकी सहित पद यात्रा आयोजना गरिने सम्मेलनका पूर्व अध्यक्ष माधव न्यौपानेले जनाकारी दिनुभयो ।
उक्त सम्मेलनको कार्यपत्र नेपाल जेसिज २०२१ का अध्यक्ष अरुणेश्वर खनालले गर्नुभएको थियो भने कार्यक्रममा उद्घाटन सत्रको स्वागत जेसिआई व्यास नगरका अध्यक्ष सुमित ढुंगानाले गर्नुभएको थियो ।
