जनजुक्त शाही मावि पूर्व विद्यार्थी मञ्चको साधरण सभा सम्पन्न

तनहुँको व्यास नगरपालिका–५ साँगे, नेपालटारमा रहेको जनजुक्त शाही माध्यामिक विद्यालय पूर्व विद्यार्थी मञ्चको दोस्रो साधरण सभा शनिबार दमौलीमा सम्पन्न भएको छ ।

 साधरण सभाको उद्घाटन सो विद्यालयका सस्थापक विद्यार्थी तथा विपी विचार राष्ट्रिय समाजका केन्द्रीय सदस्य हरिशरण पण्डितले गर्नुभयो । सो अवसरमा पण्डितले साँगे क्षेत्रको लागि यो माध्यामिक विद्यालय शिक्षा र सभ्यता विकासको कोशे ढुङ्गा सावित भएको उल्लेख गर्नुभयो । विद्यालय स्थापना देखि भए गरेगरेका विकास निर्माणको संक्षेपमा उल्लेख गर्दै पण्डितले विद्यालयको सवाङ्गीण विकासमा पूर्व विद्यार्थी मञ्चले अभैm योगदान पु¥याउनु बताउनुभयो । साथै उहाँले व्यवस्थापन समिति, शिक्षक अभिभावक संघ र पूर्व विद्यार्थी मञ्चबीच सहकार्य र एकता भएका विद्यालय र त्यस क्षेत्रको समग्र विकासमा योगदान पुग्ने बताउनुभयो ।

 कार्यक्रम मञ्चका अध्यक्ष प्रकाशराज वाग्लेको अध्यक्षामा भएको थियो । कार्यक्रममा मञ्चका सस्थापक अध्यक्ष भाग्यशाली ढुंगाना, निबर्तमान अध्यक्ष बलराम वाग्ले, सदस्य जगतबन्धु अर्याल लगायतले पूर्व विद्यार्थी मञ्चको एकताका लागि वनभोग, अक्षयकोष, विद्यार्थी सम्मान जस्ता कार्यलाई निरन्तरता दिनु पर्नेमा जोड दिनु भएको थियो । कार्यक्रममा सचिव जनकराज काफ्लेले प्रगति प्रतिवेदन, कोषाध्यक्ष अनुपक कला न्यौपानेले आर्थिक प्रतिवेदन प्रस्तुत गर्नु भएको थियो ।