आँबुखैरेनीबाट दिनोक लागू औषध सहित पक्राउ

तनहुँको आँबुखैरेनी गाउँपालिका वडा नं ४ बेनिटार स्थित पृथ्वी राजमार्गबाट लागू औषध सहित एक ब्यक्ति पक्राउ परेका छन् । पक्राउ पर्नेमा महोत्तरी बर्दीबास नगरपालिका वडा नं ३ बस्ने ३२ बर्षय दिनोक पाण्डे रहेको जिल्ला प्रहरी कार्यलय तनहुँका प्रहरी नायव उपरिक्षक दिपक कुमार रायले जनाकारी दिनुभयो । मुग्लिनबाट आँबुखैरेनी तर्फ आउदै गरेको ग १ ख ८८७७ नं को बसलाई रोकी चेकजाँच गर्ने क्रममा निजको साथबाट लागु औषध फेरागनको सिसि थान १३, बुप्रीनोरफिन को सिसि थान १३ र डेजनपम्म को सिसि थान १३ गरी जम्मा ३९ थान (एम्पूल) नियन्त्रित लागु औषध फेला परेको रायले बताउनुभयो । निजलाई तनहुँ जिल्ला अदालतबाट म्याद थप गरी अनुसन्धान भईरहेको जिल्ला प्रहरी कार्यलय तनहुँले जनाएको छ ।