तनहुँको शुक्लागण्डकी नगरपालिका वडा नं ५ भिमसेनटोलमा जुवा खेलिरहेका ५ जना व्यक्तीहरु पक्राउ परेका छन् । पक्राउ पर्नेमा तनहुँ शुक्लागण्डकी न पा ५भिमसेनटोल बस्ने ३३ बर्षय सुजन कुमार राना ,४२ बर्षय दिपक कुमार श्रेष्ठ,४० बर्षय बिकाश बिक्रम पालिखे, ३० बर्षय गणेश गुरुङ,५२ बर्षय सरिफ कुमार चन्द रहेको जिल्ला प्रहरी कार्यलय तनहुँका प्रहरी नायव उपरिक्षक दिपक कुमार रायले जनाकारी दिनुभयो । ईन्द्र बहादुर पौडेलको घरमा अबैध रुपमा जुवा तास खेलिरहेको भन्ने गोप्य सुचनाको आधारमा उक्त स्थानमा खटी घर खानतलासी गर्दा उक्त घरमा तास खेलिरहेको अवस्थामा प्रहरीले पक्राउ गरेको हो । निजहरु खेलीरहेको खालबाट ४ बुक तास र त्रिहत्तर हजार चार सय पच्चिस रुपैया नगद सहित बरामद गरेको रायले बताउनुभयो । निजहरु उपर जुवा सम्बन्धी कसुरमा जिल्ला प्रशासन कार्यालय तनहुँबाट पाँच दिनको म्याद थप गरि थप अनुसन्धान भईरहेको जिल्ला प्रहरी कार्यलय तनहुँले जनाएको छ ।
