महिला उद्यमी संघ नेपाल तनहुँद्धारा आयोजित महिलाहरुका लागि क्रिष्टल माला ,पोते,औठी, टप सम्बन्धि ५ दिवसीय तलिम आजबाट सुरु भएको छ । व्यास नगरपालिका वडा नं ९को आर्थिक सहयोगमा गजौडेमा सुरु भएको तालिम २८ गते सम्म संचालन हुनेछ ।
कार्यक्रममा बोल्दै व्यास नपा वडा नं ९ का अध्यक्ष सुरेश थापाले महिलाहरु सिप सिकेर उद्यमशिलता बन्नुपर्नेमा जोड दिनुभएको थियो । उहाँले अगामी दिनमा यस्ता तालिमाका लागि वडाको सधै सहयोग रहेने प्रतिबधता समेत व्यतm गर्नुभएको थियो ।
महिला उद्यमी संघ नेपाल तनहुँकी अध्यक्ष निर्मला मल्लले महिलाहरुलाई आयमूलक रोजगारीका अवसरहरू सिर्जना गर्न संस्थाले विभिन्न किसिमका सीप तथा व्यवसायमूलक तालिमहरू सञ्चालन गरेपनि महिलाहरु अग्रसर नदेखिएको बताउनुभयो ।
कार्यक्रमा व्यास ९का वडा सदस्य उमा आर्चाय,सन्तोष जि सी , वडा सचिव सनतोष गोदार , कलेस्ती उपत्यका महिला विकास समाज अध्यक्ष रामप्यारी आले , पोखरी डाँडा सानो चौर टोल विकास संस्थाकी अध्यक्ष पार्वती आर्चाय लागएतले महिलाहरलाई यो तलिम थोरै लगानी ,कम समय लाग्ने भएकाले महिलाहरुले सिक्नु पर्नेमा जोड दिनुभएको थियो । उक्त तालिमाको प्रशिक्षक तुलसी शाह, बेलु श्रेष्ठ ,मन्जु थापा हुनुहुन्छ भनै ४३ जना प्रशिक्षर्थीको सहभागीता रहेको छ । उक्त कार्यक्रमको स्वागत आशा बानियले गर्नुभएको थियो भने कार्यक्रम सञ्चालन महासचिव सरस्वती श्रेष्ठले गर्नुभएको थियो ।
