Listen

आजको तस्बिर

तनहुँको पर्यटकीय नगरी बन्दीपुर बजारमा रहेको विन्ध्यवासिनी माइ मन्दिर । यस मन्दिरले यहॉ आउने पर्यटकलाई आकर्षित गर्ने गरेको छ। तस्बिर:रासस
समुद्री सतहदेखि करिब चार हजार ५०० मिटरको उचाइमा अवस्थित बतासे याकखर्क लेकबाट देखिएको मुस्ताङको थासाङ गाउँपालिका-१ मा रहेको  टुकुचे गाउँ, नालान्दा बुद्धिष्ट विद्यालय, पृष्ठभूमिमा बर्खायाममा उर्लिएको कालीगण्डकी नदी र आसपासका क्षेत्र । 
तनहुँको व्यास नगरपालिका– ११ स्थित ऐतिहासिक तनहुँसुरमा रहेको खड्गकालिका मन्दिर । तस्वीर : रासस
सिन्धुलीको कमलामाई नगरपालिकास्थित बसपार्क नजिकै ढुंगा कुदेर सिलौटा बनाउँदै कालीगढ। उपभोक्ता भन्छन्- आधुनिक उपकरण मिक्स्चर–ग्राइन्डर आएपनि ग्रामीण भान्सामा परम्परागत लोहोरो र सलौटोको प्रयोग घटेको छैन्। तस्बिर: रासस
तनहुँको भिमाद नगरपालिका-६ र म्याग्दे गाउँपालिका-५ जोड्ने सेती नदीमाथि जीर्ण अवस्थामा रहेको ऐतिहासिक झोलुंगे पुल। शुक्लागण्डकीस्थित मिनामखानीबाट निकालिएका फलाम र स्थानीय कालीगढबाट उक्त पुलको निर्माण गरिएको थियो। यो पुल विसं १७७८ मा निर्माण भएको शिलालेखमा उल्लेख छ। तस्बिरः रासस
मुग्लिन पोखरा सडक अन्तर्गत तनहुँको व्यास नगरपालिका-४ भोर्लेटारचोकको डिभाइडरमा रोपिएको दुबोको हरियाली । दमौली हजारमा छ लेन सडक विस्तारपछि डिभाइडरमा रोपिएको दुबोले आकर्षण थपेको छ । तस्बिर : रासस
तनहुँको व्यास नगरपालिका–३ दमौली बजारमा आइतबार साँझ गाईजात्रा निकाल्दै नेवार समुदाय । वर्षभरी मृत्यु भएका आफन्तको सम्झनामा गाईको रुपमा तस्बिर टाँसेर बजार परिक्रमा गर्ने गरिन्छ । तस्बिर : रासस
ढोरपाटन उपत्यकादेखि बुकीपाटन जाने पर्यटकका लागि समुद्री सतहदेखि तीन हजार ७५० को उचाइमा ढुङ्गे देउरालीमा बनाइएको विश्रामस्थल। पर्यटक बढ्न थालेपछि पर्यटन तथा उद्योग कार्यालय बागलुङले गत जेठमा विश्रामस्थल बनाएको हो। तस्बिर: रासस
राष्ट्रिय गौरवको आयोजना मध्यपहाडी लोकमार्गको छेउमै रहेको लुगुम गाउँ । बागलुङसँग सीमा जोडिएको पूर्वी रुकुमको भूमे गाउँपालिका–१ मा पर्ने यो गाउँले लोकमार्गमा यात्रा गर्ने यात्रुको ध्यान खिच्ने गरेको छ। तस्बिरः रासस
तनहुँको म्याग्दे गाउँपालिका–६ मनपाङस्थित डाँडामा रहेको मनकामना मन्दिर । तस्विर- रासस ।
नुवाकोटको विदुर नगरपालिका–११ स्थित ऐतिहासिक दुधेलामा, कालिकासम्म पुग्न सूर्यगढी गाँउपालिका–३ हुँदै निर्माण गरिएको सिँढी। नेपाल–तिब्बत(चीन) युद्धको क्रममा शत्रुलाई आक्रमण गर्न नेपाली पक्षले निर्माण गरेको यहाँको ऐतिहासिक सूर्यगढी, चन्द्रगढी, गेर्खुगढी, जितगढी र दुधेलामालाई एउटै सर्किटमा जोड्नका लागि तीन तहका सरकारको लगानीमा सिँढीलगायत आवश्यक पूर्वाधार निर्माण गरेर संरक्षण तथा प्रवर्द्धन गर्न थालिएको छ। तस्बिर: रासस
बागलुङको बुकीपाटन क्षेत्रमा पर्ने टीकाधारा क्षेत्र । समुद्री सतहदेखि चार हजार २०० मिटरको उचाइमा बनाइएको टीकाधारामा पछिल्लो समय आन्तरिक पर्यटकको आकर्षण बढेको छ ।