रास्वपाको क्षेत्रीय सदस्यमा तनहुँ क्षेत्र नं १ बाट चार जना निर्वाचित

राष्ट्रिय स्वतन्त्र पार्टीको तनहुँ क्षेत्र नं १ बाट क्षेत्रीय सदस्यमा चार जना निर्वाचित भएका छन् । जेठ १६ देखि २० गते सम्म भएको पार्टीको अनलाईन भोटिङबाट उनीहरु निर्वाचित भएका हुन् । निर्वाचित हुनेमा आँबुखैरेनी गाउँपालिका–१ का विष्णु बहादुर पन्थ १४३,ब्यास नगरपालिका–३ बाट राजु दाहाल ११०,आँबुखैरेनीका अनिल श्रेष्ठ १०६ र भानु ११ की सीता बिकले ९५ मत पाएका हुन् । त्यस्तै भानुका काशीराम अधिकारी ७३, बन्दीपुरका कृष्ण प्रसाद पन्त ६३ मत पाएर पराजित भएका छन् । यो निर्वाचित सदस्यबाट सभापति,उपसभापति र सचिवको छनोट प्रक्रिया शुरु हुनेछ । तनहुँ क्षेत्र नं १ प्रदेश ख बाट एक महिला सदस्य समेत चयन गरिने पार्टीले बताएको छ ।