व्यास नगरपालिका ११ मा निर्माण सम्पन्न भएको शीतभण्डार भवनको औपचारिक रूपमा सञ्चालनमा आएको छ। नगर उपप्रमुख इन्दिरा दरैको अध्यक्षता तथा नगर प्रमुख वैकुण्ठ न्यौपानेको प्रमुख आतिथ्यतामा विशेष पूजापछि आलु भण्डारण गर्दै शीतभण्डारको उद्घाटन गरिएको हो।
निर्माण तथा आवश्यक यान्त्रिक र विद्युतीय उपकरणहरूको जडान कार्य सम्पन्न भइसकेको यस शीतभण्डारको प्रारम्भिक ठेक्का रकम १ करोड ६२ लाख ३२ हजार २ सय ४६ रुपैयाँ रहेकोमा थप १९ लाख ९८ हजार ६ सय २७ रुपैयाँ वृद्धि भई कुल लागत कर सहित १ करोड ९१ लाख ३२ हजार ७ सय २२ रुपैयाँ पुगेको थियो। निर्माण कार्य २०८० साल वैशाख ४ गते सम्पन्न गरिएको थियो।
यस शीतभण्डार सञ्चालनमा आएपछि किसानहरूले कृषि उपजको भण्डारण गर्न सहज हुने अपेक्षा गरिएको छ। विशेष गरी आलु, तरकारी तथा अन्य कृषि उपजको दीर्घकालीन भण्डारण गरी बजारमा मूल्य सन्तुलन कायम गर्न यो शीतभण्डार महत्वपूर्ण हुने विश्वास गरिएको छ।