तनहुँ आँबुखैरेनी गाउँपालिका वडा नं ४ बेनीटार स्थित पृथ्वी राजमार्गबाट लागू औषध सहित पक्राउ एक जना पक्राउ परेका छन् । पक्राउ पर्नेमा बाग्लुङ नगरपालिका वडा नं ३ बस्ने बर्ष २१ को अनिश वि क रहेको जिल्ला प्रहरी कार्यालय तनहुँ प्रहरी नायव उपरीक्षक मोहन बहादुर खाँणले जनाकारी दिनुभयो। मुग्लिनबाट आँबुखैरेनी तर्फ आउदै गरेको ना ६ ख २५४९ नं।को बस रोकी चेकजाँच गर्दा निजको शरिरमा लुकाई लिएको लागु औषध Diazepam को सिसि थान २०, Noophin को सिसि थान २० र Phenergan को सिसि थान २० गरी जम्मा ६० थान(एम्पुल)लागु औषध फेला पारी बरामद भएको खाँणले बताउनुभयो । वि क लाई आज तनहुँ जिल्ला अदालतबाट दश दिनको म्याद थप गरि अनुसन्धान कार्य भईरहेको प्रहरीले जनाएको छ ।
साथै तनहुँ व्यास नगरपालिका वडा नं ४ भोर्लेटार चोकबाट लागू औषध गाँजा सहित एक व्यक्ती पक्राउ परेको छ । पक्राउ पर्नेमा तनहुँ व्यास नगरपालिका वडा नं १० बोक्सीगैरा बस्ने १९ बर्षय चन्द्र बहादुर कामी रहेको प्रहरी नायव उपरीक्षक मोहन बहादुर खाँणले जनाकारी दिनुभयो । चन्द्रले पछाडी बोकेको झोला भित्र लुकाई छिपाई राखेको अवस्थामा जम्मा १ किलो ९०० ग्राम लागु औषध गाँजा फेला पारी बरामद भएको खाँणले बताउनुभयो । निजलाई आज तनहुँ जिल्ला अदालतबाट ७ को म्याद थप गरि अनुसन्धान भईरहेको प्रहरी जनाएको छ ।
