राष्ट्रको लागी खेलकुद स्वास्थ्यको लागी खेलकुद भन्ने नाराका साथ तनहुँको बन्दीपुर गाउँपालिकामा पालिकास्तरीय प्रथम अध्यक्ष कप २०७९ फुटवल तथा भलिवल प्रतियोगिता हुने भएको छ ।
यहि फागुन १२ गते बाट वडा नं. ४ भुमर्सेमा रहेको पालिकास्तरीय खेलमैदानमा अध्यक्ष कप संचालन गर्न लागिएको हो । खेलमार्फत बिकास अनुशासन र गतिशिलता दिनको लागी प्रथम अध्यक्ष कप आयोजना गरिएको गाउँपालिका अध्यक्ष सुरेन्द्र बहादुर थापाले बताए ।
प्रतियोगितमा दुबै खेल तर्फ प्रथम पुरस्कार रु ३० हजार सहित ट्रफी मेडल र प्रमाणपत्र, द्धितिय पुरस्कार रु २० हजार सहित ट्रफी मेडल र प्रमाणपत्र र तृतिय हुनेलाइ रु १० हजार सहित ट्रफी मेडल र प्रमाणपत्र र सान्तवना पुरस्कार रु ५ हजार प्रदान गरिने छ ।
प्रतियोगितामा सहभागी हुनका लागी पालिकाले सवै वडामा पत्रचार गरिसकेको छ । सम्वन्धीत वडाले फागु १० गते भित्र समुह प्रमाणीत गरी गाउँपालिकाको शिक्षा शाखामा बुझाउनु पर्नेछ । हरेक वडा बाट दुबै खेलमा ३।३ वटा टिमले सहभागीता जनाउन सक्नेछन् ।
