तनहुँ ३ साउन
व्यास नगरपालिका–२ गणेशमानचोक स्थित लोकप्रिय स्वास्थ्य क्लिनिकको सटर फोड्दै गरेको अवस्थामा एक युवकलाई प्रहरीले पक्राउ गरेको छ । पक्राउ पर्नेमा भानु नगरपालिका वडा नं १ नयाँबस्ती निवासी २० बर्षीय सुजन परियारलाई पसलको सटर फोड्दै गरेको अवस्थामा प्रहरीले पक्राउ गरेको हो । गत असार ३२ गते राती करिब १२ बजेको समयमा सोही पसलको सटर फोडी रु एक लाख पैतिस हजार चोरी गरी फरार रहेका परियारलाई दोस्रो पटक चोरी गर्दै गरेको अवस्थामा पक्राउ गरेको प्रहरीले जनाएको छ । परियरलाई नियन्त्रणमा लिई सोमबार तनहुँ जिल्ला अदालतबाट दश दिनको म्याद थप गरी अनुसन्धान थालेको तनहुँका प्रहरी नायव उपरीक्षक युवराज खड्काले जानकारी दिएका छन् ।