साउन २
लागू औषध तथा गोली सहित पक्राउ ३ ब्याक्ति पक्राउ परेका छन् । तनहुँ जिल्ला बन्दिपुर गाउँपालिकाबाट लागू औषध तथा गोली सहित तिन जना व्याक्ति पक्राउ परेका हुन् । प्रकाउ पर्नेमा बन्दिपुर गाउँपालिका वडा नं ४ भैसीखाँ बस्ने बर्ष २१ को मन बहादुर गुरूङ , वडा नं ४ च्यान्चा घर हुने ३० बर्षका आशिष कायस्थ र भानु नगरपालिका वडा नं १ शुक्रखोला बस्ने बर्ष ३० को भरत तामाङलाई पक्राउ गरेको जिल्ला प्रहरी कार्यालय तनहुँका प्रहरी निरीक्षक नरहरी अधिकारीले जानकारी दिए । उनीहरुलाई तलासी लिदा मन बहादुर गुरूङको साथबाट लागु औषध NOOPHIN लेखिएको १७ एम्पुल, Diazepam लेखीएको १७ एम्पुल र PHENERGAN लेखिएको १७ एम्पुल गरी जम्मा ५१ एम्पुल लागु औषध फेला परेको, अर्का आशिष कायस्थको साथबाट लागु औषध NOOPHIN लेखिएको २ एम्पुल, Diazepam लेखीएको २ एम्पुल र PHENERGAN लेखिएको २ एम्पुल गरी जम्मा ६ एम्पुल लागु औषध फेला परेको अधिकारीले बताएका छन् ।
सोहि लागु औषध बिक्री बितरणमा संलग्न तनहुँ जिल्ला भानु नगरपालिका वडा नं १ शुक्रखोला बस्ने बर्ष ३० को भरत तामाङलाई समेत उनकै घरमा फेला पारी उनको शरिर तथा घरकोठा खानतलासी लिदा द्दरको कोठाभित्र PHENERGAN लेखिएको १ एम्पुल,PHENERGAN लेखिएको १ एम्पुल र PHENERGAN लेखिएको १ एम्पुल, सिरिन्ज ४ थान र सोही स्थानमा7.62 M.F.S 2001 लेखिएको हतियार राईफलमा प्रयोग हुने गोली २ थान हातियारको गोली समेत फेला परेको जिल्ला प्रहरी कार्यालय तनहुँले जानकारी दिएको छ । उनिहरु तिनै जनालाई प्रहरीले नियन्त्रणमा लिई तनहुँ जिल्ला अदालतबाट म्याद थप गरी थप अनुसन्धान भइरहेको जिल्ला प्रहरी कार्यालय तनहुँका प्रहरी निरीक्षक नरहरी अधिकारीले जानकारी दिए ।
