असार १७, दमौली
तनहुँका पत्रकारहरुलाई डिजिटल मिडिया सञ्चालन गर्न तालिम प्रदान गरिएको छ । राष्ट्रिय दलित पत्रकार संघ नेपाल तनहुँ शाखाले यहाँका पत्रकारहरुको क्षमता अभिवृद्धी गराउने उदेश्यले तालिम सञ्चालन गरेको हो ।
दुई दिने तालिममा तनहुँका विभिन्न सञ्चार माध्याममा कार्यरत रहेको पत्रकारहरुको सहभागिता रहेको छ । शनिबारसम्म हुने तालिममा पत्रकार बसन्तराज कंडेल र विकास कुमालले सहजीकरण गर्ने संघका अध्यक्ष सानेबहादुर नेपालीले जानकारी दिए । दमौलीमा सञ्चालन भएको तालिम यहाँका १० स्थानीय तहको आर्थिक सहयोगमा आयोजना गरिएको हो ।
