तनहुँको आँबुखैरेनी– ४ स्थित पावर हाउस नजिकको रुवाखेला पुलबाट आज बिहान टिपर तल खस्दा एक जनाको मृत्यु भएको छ । मृत्यु हुनेमा म्यादे गाउँपालिका–६ मनपाङ निवासी ४७ बर्षीय रामबहादुर दमैरहेका छन् । दुर्घटनामा परि गम्भिर घाईते भएका दमैको उपचारको लागि पुरानो मेडिकल कलेज चितवन लगेको उपचारको क्रममा मृत्यु भएको हो । मुग्लिन बाट आबुँखैरेनी आउदै गरेको ग १ क ४४६९ नम्बरको मिनि टिपर अनियन्त्रित भई पुलबाट तल खोलामा खस्दा उक्त दुर्घटना भएको जिल्ला प्रहरी कार्यालय तनहुँका प्रहरी नायव उपरीक्षक युवराज खड्काले जानकारी दिएका छन् ।
