नेकपा एमाले व्यास नगरपालिका वडा नं २ को वाड सदस्य पदका उम्मेदवार महम्मद गफ्फार सुदिप यतीबेला मतदताको घर दैलोमा गएर भोट माग्न पुगेका छन् । आदिवासी जनजाती अल्पसंख्याको हितमा , समृद्ध वडा र्निर्माण हुनेछ सुर्य चिन्हको जितमा ’ भन्ने नारा सहित महम्मद अहिले व्यास नगरका वडा नं २ निवासीको घर दैलोमा ब्यस्त रहेको बताएका छन् । महम्मद बागबजार युवा कल्बको अध्याक्ष, नेकपा एमाले पार्टी वडा नं २ को सहसचिब, लियो क्लबअफ तनहुँको उपाध्यक्ष, क्यानसर पिडितहरुको हितमा काम गर्ने संस्था हेल्पिङ ह्यान्ड सामाजिक सस्थाको अध्याक्ष भएर काम समेत गरीसकेका छन् ।
उनी आफु सदस्य पदमा विजयी भएमा भ्रष्टाचार ,घुसखोरी , कमिसन , अनियमितता , सरकारी काममा ढिलासुस्ती , आदि कडाइका साथ नियन्त्रण गर्ने बताएका छन् । उनी युवा समाजसवी भएको हुनाले युवाहरुलाई सामाजिक कार्यमा सकृय गरभएर पिडित तथा बिपन्नलाई सहयोग गर्ने र सहयोगको भाब बढाउन प्रोत्साहन गर्ने कार्यलाइ समेत निरन्तरता दिने बताए ।
