महिला उद्यमी संघ, शुक्लागण्डकी बजार ईकाईको अध्यक्षमा तुलसा शाह चयन भएकी छन् ।सोमबार दुलेगौंडामा सम्पन्न संघको भेलाले शाहको अध्यक्षतामा ईकाइ गठन गरेको हो । ईकाईको उपाध्यक्ष जोशिला थापा, सचिव सपना पराजुली, कोषाध्यक्ष रजनी थापा तथा कार्यसमिति सदस्यमा पार्वती पौडेल, मायाँदेवी पौडेल, सृजना दनाल, बिना खनाल, कमला श्रेष्ठ, आरती शर्मा, ज्योती ढकाल र सपना परियार रहेका छन् । यस्तै गुनसरी गुरूङ र बिष्णुमायाँ कामीलाई सल्लाहकार चयन गरिएको अध्यक्ष शाहले जानकारी दिईन् ।
कार्यक्रमका प्रमुख अतिथि महिला उद्यमी संघ तनहुँका सल्लाहकार राधिका परियारले महिलाहरु आर्थिक, व्यवसायिक, सामाजिक क्षेत्रमा सक्षम हुदैं गएको बताईन् । महिला उद्यमी संघ तनहुँका अध्यक्ष निर्मला मल्लले जिल्लाभरका महिलाहरूकोे योग्यता र क्षमता पहिल्याई ज्ञान, सीप अभिवृद्धि गरि आर्थिक रुपमा सबल र सक्षम बनाउने उदेश्यका साथ संघ अगाडी बढेको बताईन् ।
कार्यक्रममा महिला उद्यमी संघ तनहुँका महासचिव सरस्वती श्रेष्ठ सरू, कोषाध्यक्ष आशा बानीयाँ, दमौली बजार ईकाईका अध्यक्ष, पवित्रा खनाल, सदस्यहरु बेलु श्रेष्ठ, मञ्जु थापा, जमुना मल्ल लगायतले उद्योगी व्यवसायी महिलाहरु एकतावद्व हुनुपर्ने बताएका थिए ।