तनहुँको देवघाट गाउँपालिका–५ स्थित भट्टराई बाख्रा फार्ममा आगलागी भएको छ । आइतबार बिहान अचानक फार्ममा आगलागी हुँदा चार वटा बाख्राको मृत्यु भएको छ भने अठ्ठार वटा बाख्रा घाईते भएको हो । उक्त आगलागीमा भैसीपाडा,गाईबस्तुहरु मध्ये गर्भिणी अवस्थाका चार वटा बाख्राहरु जलेर मृत्यु हुनुका साथै गर्भिणी अवस्थाका अठ्ठार वटा बाख्राहरु घाईते भएको प्रहरी नायव उपरीक्षक मोहन बहादुर खाँणले जानकारी दिएका छन् । । आगो तत्काल प्रहरी तथा स्थानिय मानिसहरुको सहयोगमा पुर्ण रुपमा नियन्त्रणमा ल्याइएको र उक्त घटना सम्बन्धमा थप अनुसन्धान भईरहेको प्रहरीले जनाएको छ । साथै हिउदोको समयमा सुख्खा पराल, खर, घर, गोठहरुमा डढेलो तथा आगलागी प्रकोप जस्ता घटनाहरु बढी हुने हुँदा आम नागरिकहरुमा सजक,सतर्क र साबधानी अपनाउनुहुन समेत अनुरोध गरिएको छ ।