बैदेशिक रोजगारबाट फर्किएका युवा काठमाडौंबाटै बेपत्ता भएका छन् । स्याङजा जिल्ला वालिङ न पा वडा नं ५ पिडीखोलामा जन्मिएर स्थायी घर स्याङजा जिल्ला वडा नं १४ का २२ वर्षिय विजय दमै नाम गरेको युवा सम्पर्क बिहिन भएका हुन् । बैदेशिक रोजगारको शिलशिललामा विदेश गएका विजयले आफु बिरामी भएकाले नेपाल आउने लागेको परिवरलाई बताएका थिए ।
यहि मंसिर २ गते विदेश बाट हिडेको र नेपाल आएपछी घर परिवारलाई काठमाडौं आएको एसएमएस बाट जानकारी गराएपछि हालसम्म पनि सम्पर्कमा नआएको विजयका बुबा टोप बहादुर दमैले जानकारी दिए । नेपाल आए पछि २५ दिन सम्म पनि सम्पर्कमा नआएको र खोजतलासी गर्दापनी कुनै खबर नपाएको उनका बुवाले तनहुँ तरङ्ग न्युजलाई बताए । उनका परिवारले विजय दमैलाई देख्नु हने महानुभाबले नजिकैको प्रहरी कार्यलय वा ९८१३७५००८७ मा सम्पर्क गरिदिनुहुन अनुरोध गरेका छन् । विजयको श्रीमती र एघारा मैनाको एक छोरी रहेको बताईएको छ ।
