तनहुँबाट संचालनमा रहेका अनलाइन मिडिया संचालक र सम्पादकको भेलाले मंगलबार दमौलीमा अनलाइन पत्रकार संघ तनहुँ गठन गरेको छ । उक्त भेलाले पत्रकार उपेन्द्र खनालको अध्यक्षतामा सात सदस्यीय तदर्थ समिति गठन गरेको हो । संघको उपाध्यक्षमा बिमला कँडेल,सचिवमा कृष्ण न्यौपाने,कोषाध्यक्षमा एलोज श्रेष्ठ चयन भएका छन् । त्यसैगरी सदस्यहरुमा श्रीकृष्ण आचार्य,एस बि नेपाली र हरि खरेल रहेका छन् । अनलाइन मिडिया संचालकहरुको हक अधिकारको लागि संगठित गरी संघ गठन गरेर अघि बढ्न लागेको संघका अध्यक्ष खनालले जानकारी दिए ।