पृथ्वी राजमार्ग सडक खण्ड अन्तरगत तनहुँको बन्दिपुर गाउँपालिका वडा–१ नाहालामा शुक्रबार सवारी दुर्घटना हुँदा १२ जना यात्रु घाइते भएका छन् । दमौली तर्फबाट डुम्रे तर्फ जादै गरेको ०६००१ ज ००१७ नंम्बरको फोर्स गाडी अचानक अनियन्त्रित भई सडकको बाँया साईडको भित्तामा ठक्कर खाई दुर्घटना भएको हो । घाइनेहरुको रत्नहरी मेमोरियल अस्पताल दमौली तथा मोती मेडिकल हल डुम्रे तनहुँमा प्राथमिक उपचार पश्चात थप उपचारको लागि सात जना यात्रुहरुलाई ट्रमा सेन्टर काठमाण्डौ र ४ जना यात्रुहरुलाई मणिपाल शिक्षण अस्पताल पोखरा पठाईएको तनहुँका प्रहरी नायव उपरीक्षक मोहन बहादुर खाँणले जानकारी दिनुभएको छ । दुर्घटनामा परी घाइते भई मणिपाल शिक्षण अस्पताल पोखरा पठाईएका घाईतेहरुमा भक्तपुर सुर्य बिनायक नगरपालिका–५ कटुन्जे बस्ने बर्ष ५८ की धर्म देबी थापा,सोही स्थान निवासी ३० बर्षीय राम प्यारी कार्की बखुन्छे,४५ बर्षीय कल्याणी ढुङ्गाना,४४ बर्षीय सरीता थापा रहेका छन् । त्यसैगरी ट्रमा सेन्टर काठमाण्डौ पठाईएका घाईतेहरु जिल्ला भक्तपुर सुर्य बिनायक नगरपालिका– ५ कटुन्जे बस्ने बर्ष ४४ की गँगा ढुङगेल,सोही स्थान निवासी ५० की रत्ना थापा,गँगा बिष्ट,४१ की चण्डिका श्रेष्ठ,३३ की श्रीजना गुमान्जु,४४ की ईन्दिरा निरौला,३२ की शोभा थापा रहेका छन् ।