दमौली १२ जेठ ।
नेपाल प्रेस युनियनको ३१ औं स्थापना दिवसको उपलक्ष्यमा नेपाल प्रेस युनियन तनहुँले शुक्रबार अति सिमान्तकृत तथा लोपोन्मूख कुसुण्डा जातिकी सिमान्त कुसुण्डालाई शैक्षिक सामग्री सहयोग गर्ने भएको छ । सिमान्त अध्ययन गर्ने दमौली दमौली स्थित सत्यवती माध्यामिक विद्यालयमा विहान १० बजे सो सामग्री सहयोग गरिने नेपाल प्रेस युनियन तनहुँका अध्यक्ष अमरराज नहर्कीले जानकारी दिनुभयो । सिमान्त सो विद्यालयमा कक्षा ७ मा अध्ययन गर्नुहुन्छ । शैक्षिक सामग्री व्यास नगरपालिका–११ भोर्लेटारचोक स्थित ढोरवाराही डेन्टल केयर सेन्टरका सञ्चालक भरत पोख्रेलले सहयोग गर्नुहुने भएको युनियनका अध्यक्ष नहर्कीले बताउनुभयो ।
