तनहुँमा एक व्यक्तिको हत्;या गरी फरार रहेका तीन जनालाई प्रहरीले पक्रा;उ गरेको छ ।पक्राउ पर्नेमा तनहुँ शुक्लागण्डकी नगरपालिका ७ बस्ने २१ वर्षीय अमन गुरुङ, सोही नगरपालिकाको वडा नम्बर ५ बस्ने १८ वर्षीय रुपेश क्षेत्री र व्यास नगरपालिका १२ बस्ने वर्ष १८ का विजय गौतम रहेका छन् ।
गत वैशाख १ गते बिहान शुक्लागण्डकी नगरपालिका ७ स्थित टुडा जाने बाटोमा एक पुरुष टाउकोमा चोट लागि मृ;त अवस्थामा फेला परेका थिए । त्यसपछि इलाका प्रहरी कार्यालय बेलचौतारा तनहुँबाट खटिएका प्रहरी अधिकृतको टोलीले अनुसन्धान सुरु गरेको थियो ।
प्रहरी अनुसन्धानमा मृतक जिल्ला तनहुँ व्यास नगरपालिका १२ घर भई हाल भिमाद नगरपालिका ८ बस्ने ५५ वर्षीय मंगल गिरी भन्ने खुल्न आएको थियो ।जिल्ला प्रहरी कार्यालय तनहुँका प्रहरी नायव निरीक्षक अशोक थापाका अनुसार गिरीको तीन जना मिलेर ढुङ्गाले टाउकोमा प्रहार गरी हत्;या गरेको खुल्न आएको थियो ।
प्रहरीले तीन जनालाई पक्रा;उ गरी तनहुँ जिल्ला अदालतबाट म्याद थप अनुमति लिई अनुसन्धान भइरहेको जानकारी दिएको छ ।
