तनहुँको डुम्रेबजार आगलागी,मानवीय क्षेती नभएको

तनहुँको बन्दिपुर गाउँपालिका वडा नं१ डुम्रेबजार स्थित घरमा बुधबार आगलागी भएको छ। केशब अधिकारीको पक्की घरको पाँचौ तलामा अचानक आगलागी हुदा अन्दाजी ५० मुरी धान, पुराना काठपात तथा झ्याल ढोका र टिनको छानो जली नष्ट भएको जिल्ला प्रहरी कार्यलय तनहुँका प्रहरी नायव उपरीक्षक अशोक थापाले जनाकारी दिनुभयो । आगलागी भएको खबर प्राप्त हुन साथ ईलाका प्रहरी कार्यालय आबुखैरेनी,ईलाका प्रहरी कार्यालय भानु र प्रहरी चौकी डुम्रे तनहुँबाट प्रहरी निरीक्षक समेत ३६ जना प्रहरी कर्मचारीहरु र स्थानिय मानिसहरुको सहयोगमा १२ः२० बजेको समयमा आगो नियन्त्रणमा भएको थापाले बताउनुभयो । आगो के कारणले लाग्यो भन्ने थप अनुसन्धान भईरहेको जिल्ला प्रहरी कार्यलय तनहुँले जनाएको छ।