तनहुँको बन्दीपुरमा चितुवाको आक्रमणबाट ११ बर्षीय बालिको मृत्यु

कार्तिक ४ तनहुँ | तनहुँको बन्दीपुर– ३ सिस्नेघारीमा शुक्रबार बिहान चितुवाको आक्रमणबाट ११ बर्षीय बालिको मृत्यु भएको छ । मृत्यु हुनेमा बिना चेपाङ्ग रहेको बन्दीपुर गाउँपालिकाका प्रवक्ता शिब कुमार श्रेष्ठले जानकारी दिएका छन् । सालघारीमा लुकेर बसेको चितुवाले चेपाङ्गलाई सानीआमाको घरमा जाने क्रममा आक्रमण गरेको थियो । बन्दीपुरमा चितुवाको आक्रमणबाट एक दजन भन्दा बढीको मृत्यु भइसकेको छ । बन्दीपुरका वासीन्दा पटक पटक चितुवाको आक्रमण गरेपछि त्रासित भएका छन् ।