तनहुँको आँबुखैरेनी गाउँपालिका वडा नं।४ बेनिटार स्थित पृथ्बी राजमार्ग सडक खण्डमा लागू औषध सहित एक ब्यक्ति पक्राउ परेका छन् । पक्राउ पर्नेमा रुपन्देही साबिक पट्खौली ३ घर बताउने २८ बर्ष जनक हरिजन रहेको जिल्ला प्रहरी कार्यालय तनहुँका प्रहरी नायव उपरीक्षक मोहन बहादुर खाँणले जनाकारी दिनुभयो । मुग्लिनबाट पोखरा तर्फ आउदै गरेको ना ५ ख ४०३३ नं को बसमा सवार हरिजनको साथमा रहेको पहेलो बोराको झोलामा लुकाई छिपाई राखेको लागु औषध डाईजोपाम ४७ एम्पुल,नोर्फिन ४७ एम्पुल,फेनरागन ४७ एम्पुल गरी जम्मा १४१ एम्पुल लागु औषध सहित फेला परेको खाँणले बताउनुभयो । निजलाई तनहुँ जिल्ला अदालतबाट सात दिनको म्याद थप अनुमती लिई थप अनुसन्धान भईरहेको जिल्ला प्रहरी कार्यलय तनहुँले जनाएको छ ।