तनहुँ देवघाट गाउँपालिका वडा न ५ स्थित त्रिशुली नदी र कालीगण्डकी नदीको संगम स्थलमा नुहाउने क्रममा डुबेर एक पुरुष बेपत्ता भएका छन्। संगममा नाम थर वतन नखुलेको बृद्ध पुरुष ब्यक्ती पहेलो कुर्था, पहेलो कछाड,पहेलो आस्कोट,सेतो चप्पल र लठ्ठी नदी किनारमा राखी नुहाउने क्रममा अचानक सोही नदीमा डुबी बगाई बेपत्ता भएको जिल्ला प्रहरी कार्यालय तनहुँका प्रहरी नायव उपरीक्षक मोहन बहादुर खाँणले जनाकारी दिनुभयो । निजको खोजतलास भईरहेको,हालसम्म फेला नपरेको,उक्त घटना सम्बन्धमा थप अनुसन्धान भइरहेको जिल्ला प्रहरी कार्यलय तनहुँले जनाएको छ ।