तनहुँ आँबुखैरेनी गाउँपालिका वडा नं ४ बेनिटार स्थित पृथ्वी राजमार्ग सडक खण्डमा लागू औषध गाँजा सहित दुई पुरुष पक्राउ परेका छन् । पक्राउ पर्नेमा जिल्ला कास्की पोखरा महानगरपालिका वडा नं ०९ बस्ने २६ वर्षय संजय के सी र २३ वर्षय ईश्वर नेपाली रहेको प्रहरी नायव उपरीक्षक मोहन बहादुर खाँणले जनाकारी दिनुभयो । मुग्लिन तर्फबाट आँबुखैरेनी तर्फ आउदै गरेको ग २ ख ७५७ नं को काठमाण्डौ–पोखरा चल्ने यात्रुवाहक बसलाई रोकी चेकजाँच गर्ने क्रममा झोला भित्र १ के जी ९०० ग्राम अबैध लागु औषध गाँजा फेला पारी बरामद भएको खाँणले बताउनुभयो । निजहरुलाई तनहुँ जिल्ला अदालतबाट दिन सातको म्याद थप गरि अनुसन्धान भईरहेको प्रहरीले जनाएको छ ।