तनहुँ म्याग्दे गाउँपालिका वडा नं २ जामुने रिमले स्थित पृथ्वी राजमार्ग सडक खण्डमा कालोबजारी गर्ने एक जना पक्राउ परेका छन् । पक्राउ पर्नेमा अर्जुन बहादुर रानाभाट रहेको प्रहरी नायव उपरीक्षक मोहन बहादुर खाणले जनाकारी दिनुभयो । रानाभाटले संचालन गर्दै आएको पोखरा हाईवेरेष्टुरेन्ट एण्ड खाजा घरमा कम्पनिको प्रिन्ट लेबल छोपेर सो माथि आफु खुशी बढी मुल्यको स्टिकर टाँसी सामानहरु बिक्रि बितरण गरेको भन्ने सुचनाको आधारमा पक्राउ गरेको खाणले बताउनुभयो । उक्त खाजा घरमा चेकजाँच गर्दा दोहोरो लेबलिङ गरी राखेको बिभिन्न खाद्यपदार्थहरु भेटिएकोमा उक्त खाद्यपदार्थहरु बरामद गरी निजलाई कालो बजार तथा केही अन्य सामाजिक अपराध सम्बन्धि कसुरमा चार दिनको म्याद थप गरी थप अनुसन्धान भईरहेको प्रहरीले जनाएको छ ।