व्यास–३, देउरालीनगर स्थित श्री शिव पाञ्चायन माध्यमिक विद्यालयले बधाई तथा सम्मान कार्यक्रम सम्पन्न गरेको छ । तनहँु क्षेत्र नं १ ‘क’ बाट प्रत्यक्षतर्फबाट नवनिर्वाचित गण्डकी प्रदेश सभा सदस्य एवं माननीय सांसद अशोक कुमार श्रेष्ठलाई विद्यालयले एक कार्यक्रम बिच सम्मान, गरेको हो । उक्त कार्यक्रममा श्रेष्ठले यस विद्यालयको शैक्षिक, भौतिक र आर्थिक विकासका लागि सक्दो सहयोग गर्ने बताएका थिए । विद्यालय व्यवस्थापन समितिका अध्यक्ष एवं समाजसेवी र बौद्धिक व्यक्तित्व विष्णुभक्त न्यौपानेले श्रेष्ठलाई सम्मान, बधाई तथा शुभकामना व्यक्त गर्दै विद्यालयको शैक्षिक, भौतिक र आर्थिक पक्षमा सहयोग गर्नुहुने अपेक्षा समे राखेका थिए । कार्यक्रमको औचित्यमाथि प्रकाशन पार्दै विद्यालयको शैक्षिक, भौतिक र आर्थिक अवस्थाको बारेमा प्रधानाध्यापक श्री बलराम वाग्लेले प्रकाशन गरेका थिए । कार्यक्रममा व्या.न.पा. वडा नं. ३ का अध्यक्ष श्री अनुप राना , विद्यालयका संस्थापक अध्यक्ष एवं जिल्ला समन्वय समितिका निवर्तमान उपप्रमुख श्री पवित्रा पौडेलले शुभकामना मन्तव्य राखेका थिए । उक्त कार्यक्रममा वडा नं. ३ का वडा सदस्यहरु दधिराज घिमिरे र श्रीमाया वि.क. वि.व्य.स. सदस्यहरु,व्यास–३ देउरालीनगर आमा समूहकी अध्यक्ष श्री श्रीमाया रानाभाट, शिक्षक अभिभावक संघका अध्यक्ष लगायत सदस्य तथा टोल विकास संस्थाका अध्यक्ष ज्यूहरु, तथा सम्पूर्ण शिक्षक स्टाफ एवं विद्यार्थीको उपस्थित रेहेको थियो ।
