तनहुँका लोक गायक कृष्ण अधिकारीको ”पिपलसँगै वर म त तनहुँगें तनहुँ मेरो घर” गीतको म्युजिक भिडियो सार्वजनिक भएको छ । लामो समय देखि गायन क्षेत्रमा सक्रिय अधिकारीको शनिवार गीतको म्युजिक भिडियो सार्वजनिक भएको हो । मन्जु परियार र कृष्ण अधिकारीको स्वर रहेको गीतमा राजुको शब्द रहेको छ भने म्युजिक भिडियोलाई विपिन चौलागाईले छायाँकन गरेका हुन् । तनहुँमा जन्मिएका अधिकारीले यसभन्दा अगाडि आधा मुटु ,दही चिउरामा चिनी , आँउ है धुम्न तनहुँ ,पंखा चलाइदेउ जस्ता गीत बजारमा सर्वजानिक गरिसकेका छन् । अधिकारीले आफु जहाँ भए पनि आफ्नो ठाँउलाइ भुल्न नहुने माया गर्नु पर्ने बताएका छन् । तनहुँका रमणिय दृश्यहरु छायाँकन गर्दे र आफ्नो ठाँउलाई विश्व भरि चिनाउपर्ने अधिकारीले बताए ।